बैतडी, कात्तिक ८ । सुदूरपश्चिमको बैतडीमा आइतबार दिउँसो ४.२ म्याग्निच्युडको भूकम्प गएको छ।
Advertisement
भूकम्प मापन केन्द्र सुर्खेतका अनुसार आइतबार दिउँसो १ बजेर ६ मिनेटमा भूकम्पको धक्का मापन गरिएको हो। भूकम्पको केन्द्रविन्दु बैतडीको अरिगाउँ आसपास रहेको जनाइएको छ।
यसअघि असोज २१ गते बाजुरामा ४.१ म्याग्निच्युडको भूकम्प गएको थियो। त्यस्तै, असोज २० गते दार्चुलामा ५.१ म्याग्निच्युडको भूकम्प गएको थियो।
पछिल्लो समय सुदूरपश्चिमका विभिन्न जिल्लामा भूकम्पका धक्का महसुस भइरहेका छन्।
