काठमाडौं, कात्तिक ९ ।  कांग्रेसमा १५औँ महाधिवेशनको उल्लाससँगै नयाँ नेतृत्वको शपथग्रहणको मिति तय भएको छ। पार्टीको केन्द्रीय निर्वाचन समितिका अनुसार नवनिर्वाचित केन्द्रीय पदाधिकारी तथा सदस्यहरूको शपथग्रहण समारोह आगामी कात्तिक १२ गते हुने भएको हो।

Advertisement

ललितपुरको बी.पी. नगरस्थित केन्द्रीय कार्यालय, बी.पी. स्मृति भवनमा उक्त दिन अपराह्न २:०० बजे शपथ ग्रहण कार्यक्रम आयोजना गरिएको छ। केन्द्रीय निर्वाचन समितिका सदस्यसचिव राजु कटुवालले एक सूचना जारी गर्दै नवनिर्वाचित कार्यसमितिका सम्पूर्ण पदाधिकारी तथा सदस्यहरूलाई कार्यक्रममा उपस्थित हुन सादर निमन्त्रणा गरेका छन्। १५औँ महाधिवेशनबाट कांग्रेसको बागडोर सम्हाल्न आएका नयाँ नेतृत्वसँगै पार्टी पंक्तिमा अब थप राजनीतिक गतिशीलता र उत्साह छाएको छ।