काठमाडौं । पूर्वराजा ज्ञानेन्द्र शाहले मधेश प्रदेशको राजधानी जनकपुरधामको भ्रमण गर्ने भएका छन्। शाह सचिवालयका फणीराज पाठकका अनुसार माघ १२ गते ज्ञानेन्द्र शाह पत्नी कोमलसहित जानकी मन्दिर दर्शनका लागि जान लागेका हुन् ।
Advertisement
पाठकका अनुसार जनकपुर भ्रमणको मुख्य उद्देश्य जानकी मन्दिरको दर्शन रहेको छ। मन्दिर दर्शनका अतिरिक्त शाहले जनकपुर र आसपासका क्षेत्रमा रहेका आफ्ना शुभचिन्तक तथा समर्थकहरूसँग अन्तर्क्रिया गर्ने कार्यक्रम समेत तय भएको छ।
भ्रमणको पूर्ण कार्यतालिका गोप्य राखिए पनि जनकपुरमा उनको स्वागतका लागि तयारी भने सुरु भइसकेको छ। पूर्वराजा शाहको यो जनकपुर भ्रमण र सक्रियतालाई राजनीतिक वृत्तमा अर्थपूर्ण रूपमा हेरिएको छ।
