चितवन, माघ २९ । चितवनको भरतपुर महानगरपालिका अन्तर्गत गीतानगरमा बिहीबार बिहान भएको सवारी दुर्घटनामा एक जनाको ज्यान गएको छ भने अन्य चार जना घाइते भएका छन्। जिल्ला प्रहरी कार्यालय चितवनका अनुसार गीतानगरबाट भरतपुरतर्फ आउँदै गरेको ना १ ह नम्बरको अटोरिक्सालाई विपरीत दिशाबाट आइरहेको स्कारपियोले ठक्कर दिएको थियो।
दुर्घटनामा परी गम्भीर घाइते भएका माडी नगरपालिका–७ निवासी ४४ वर्षीय मीनबहादुर खत्रीको उपचारका क्रममा चितवन मेडिकल कलेजमा मृत्यु भएको प्रहरीले जनाएकाे छ । दुर्घटनालगत्तै उनलाई अस्पताल पुर्याइए पनि चिकित्सकले मृत घोषित गरेका थिए। सोही दुर्घटनामा घाइते भएका अन्य चार जनाको पनि सोही अस्पतालमा उपचार भइरहेको छ। उनीहरूको परिचय खुल्न बाँकी रहेको प्रहरीले जनाएको छ।
प्रहरीले ठक्कर दिने स्कारपियो र चालकलाई नियन्त्रणमा लिएर थप अनुसन्धान अगाडि बढाएको छ। तीव्र गतिका कारण दुर्घटना भएको हुनसक्ने प्रहरीको प्रारम्भिक अनुमान छ।
