चितवन,चितवनमा पिकनिक खाएर फर्कँदै गरेको स्कुल बस दुर्घटनामा घाइते भएकामध्ये एक जनाको मृत्यु भएको छ । पुरानो मेडिकल कलेज भरतपुरमा उपचाररत कालिका नगरपालिका(३ बस्ने सावित्री पोखरेलका(८ वर्षका छोरा आराम्भ पोखरेलको आज बिहान ५ः ३० बजे मृत्यु भएको जिल्ला प्रहरी कार्यालय चितवनका डीएसपी ज्ञानकुमार महतोले जानकारी दिनुभयो ।
शनिबार कालिका(४ स्थित चित्रवन स्कुलको मधेश प्रदेश ०३–०११ क २६७७ नम्बरको बस पिकनिक खाएर फर्किँदै गर्दा अपरान्ह कालिका(९ मा दुर्घटनामा परेको थियो । उक्त दुर्घटनामा २८ जना घाइते भएका थिए भने दुई जनाको अवस्था गम्भीर थियो । घाइते मध्ये छ जनाको अझै उपचार भइरहेको छ भने अन्य घाइतेहरु डिस्चार्जपछि घर फर्किएका छन् ।
स्कुलको आफ्नै बसमा चालकसहित ३२ जना सवार थिए । उपदङ्गगढीबाट पिकनिक खाएर फर्किँदै गर्दा ब्रेक फेलपछि चालकले भिरालो बाटोको भित्तामा ठोकाएर धेरैको ज्यान जोगाएका थिए ।
