निर्माण सामग्री (हार्डवेयर) व्यवसायी संघ चितवनको विस्तारित बैठकले उद्योग बाणिज्य संघ चितवनको आगामी अधिबेशनका लागि अध्यक्ष पदका उमेद्वार युवा हार्डवेयरब्यवसायी सिरीष पन्तलाई सर्वसम्मत सिफारिस गर्ने ऐतिहासिक निर्णय गरेको छ। पदाधिकारी, सल्लाहकार तथा सदस्यहरूको उपस्थितिमा बसेको उक्त बैठकले व्यवसायिक समस्यालाई नजिकबाट बुझ्ने, निष्पक्ष, स्पष्ट कार्ययोजना र व्यवसाय मैत्री नेतृत्व क्षमता भएका पन्तमा रहेको निष्कर्ष बैठकले निकालेको छ । संघका अध्यक्ष नरहरी घिमिरेका अनुसार संघले पन्तलाई केवल एक उम्मेदवार होइन, परिवर्तनको नेतृत्व गर्न सक्ने, परिणाम देखाउने र व्यवसायीको हितलाई सर्वोपरी राख्ने वास्तविक नेतृत्वको रूपमा प्रस्तुत गरेको छ।
उद्योगि व्यवसायी परिवर्तनको महत्त्वपूर्ण मोडमा रहेको उल्लेख गर्दै योग्य नेतृत्व रोज्ने बेला आएको उनले बताए। संस्थाको भविष्य, व्यवसायीको सुरक्षा, पारदर्शिता, व्यावसायिक सहजता र दीर्घकालीन विकास यिनै निर्णयले निर्धारण गर्ने भएकाले, सबै उद्योगि व्यवसायीलाई जिम्मेवारीपूर्वक आफ्नो मत प्रयोग गर्न समेत संघले अपिल गरेको छ । वर्षौंदेखि व्यवसायीको आवाज बनेर काम गरेका सिरीष पन्त कुनै स्वार्थमा होइन, सेवा र परिणाममा विश्वास राख्ने युवा हुन् भन्दै निर्माण सामग्री व्यवसायीहरूले ब्यबसायीको आकांक्षा, चितवनको व्यापारिक संरचना सुदृढीकरण, युवा ऊर्जाको प्रतिनिधित्व र आधुनिक संस्थागत रूपान्तरणको यात्रामा सिरीष पन्त नै सबैभन्दा योग्य, सक्षम र विश्वसनीय विकल्प भएको निष्कर्ष संघले सबैको समक्ष राखेको छ।
ब्यबसायीको एक मतले मात्र उद्योग बाणिज्य संघलाई पारदर्शी, ब्यवसायि मैत्री, परिणाममुखी र यूबा दृष्टिकोणसहित अघि बढाउने हामी सबैको सामूहिक लक्ष्य पूरा हुने दाबी हार्डवेयर ब्यबसायीले राखेका छन्।
