काठमाडौं, असोज २० । नेपाली कांग्रेसको १५औँ महाधिवेशनअन्तर्गत नयाँ नेतृत्व चयनका लागि भइरहेको उम्मेदवारी दर्तामा उद्यमी विनोद चौधरीले उपसभापति पदमा उम्मेदवारी दिएका छन्।
Advertisement
चौधरीले समावेशी समूहबाट उपसभापति पदमा उम्मेदवारी दर्ता गराएका हुन्। कांग्रेसको नयाँ नेतृत्व चयनका लागि आज उम्मेदवारी दर्ता प्रक्रिया चलिरहेको छ।
महाधिवेशनमा ७ हजार ११४ प्रतिनिधिले नयाँ नेतृत्व चयन गर्नेछन्। केन्द्रीय निर्वाचन समितिले राष्ट्रिय सभागृहमा निर्वाचन कार्यालय स्थापना गरी उम्मेदवारी फारम वितरण तथा मनोनयन दर्ताको प्रक्रिया अघि बढाएको छ।
नयाँ कार्यसमितिका विभिन्न पदमा उम्मेदवारी दर्ता गराउने क्रम जारी रहेकाले राष्ट्रिय सभागृहमा उम्मेदवार तथा महाधिवेशन प्रतिनिधिको चहलपहल बढेको छ।
