चितवन, १२ कात्तिक ।
तिहार सकिएसंँगै चितवनका विभिन्न उम्मेदवारले चुनावी अभियानलाई थप सक्रिय पार्दै लगेका छन् । आफ्नो चुनावी क्षेत्रभित्रका गाउंँ र टोलमा घरदैलो अभियानलाई उम्मेदवारले तीब्र बनाएका छन् । यसैक्रममा चितवन क्षेत्र नम्बर २ का उम्मेदवार, नेता कार्यकर्ताले भेटघाट र घरदैलो अभियानमा व्यस्त छन् ।
चुनावी अभियानलाई मर्यादित संयमित बनाउन वडा र टोलमा विभिन्न भेला र छलफल कार्यक्रमलाई लोकतान्त्रिक गठबन्धनले निरन्तरता दिंँदै आएको छ । शनिबार क्षेत्र नम्बर २ अन्तर्गत वडा नम्बर १० ले आयोजना गरेको प्रतिनिधिसभा एवम प्रदेशसभा निर्वाचन केन्द्रित छलफल तथा विमर्श कार्यक्रममा उनीहरुले जनतालाई कांँग्रेसको बारेमा बुझाउन आग्रह गरे ।
प्रतिनिधिसभा क्षेत्र नम्बर २ का लोकतान्त्रिक बाम गठबन्धनका उम्मेदवार उमेश श्रेष्ठले जनतालाई लोकतन्त्र, आर्थिक उदारीकरणका बारेमा बुझाउनु पर्ने बताए । देशलाई धनी बनाउन पूर्वाधारको खांँचो रहेको बताउंँदै उनले युवा र महिलालाई विकास र रोजगारीमा जोड्नु पर्ने बताए ।
देशको समृद्धि हासिल गर्न लोकतान्त्रिक वामगठबन्धनको जित आवश्यक रहेको भन्दै उनले वडावडा, टोलटोलमा युवाहरु परिचालन गर्नुपर्नेमा जोड दिनुभयो । युवाहरु टोलटोलमा जानुस ‘घरघरमा जानुस कांँग्रेसको बारेमा बुझाउनुस्, उनले भने, ‘जनताको मन बुझेर मत मागौं ।’ आफूले जितेमा जनताको चाहना र आवश्यकतालाई बुझेर सोही अनुसार काम गर्ने उनले बताए ।
चितवन क्षेत्र नम्बर २ खका उम्मेदवार उत्तम जोशीले पार्टीले दिएको विश्वास आफूले टुट्न नदिने प्रतिबद्धता व्यक्त गरे । आफू यही वडा नम्बर १० को बासिन्दा भएकोले यहांँका जनता नै आफ्नो अभिभावक रहेको भन्दै उनले एकअर्काको बारेमा राम्रोसंँग बुझेको बताए ।
आफूले पार्टीको विभिन्न तह र तप्कामा सक्रिय रुपमा काम गरेको बताउंँदै जोशीले जनताको जीवनस्तर परिवर्तन गर्न उम्मेदवारी दिएको बताए । आन्दोलनका प्राप्त उपलब्धिलाई रक्षा गर्दै आगामी दिनमा युवालाई उत्पादनसंँग जोड्नु पर्ने उनको भनाई थियो । आफूले जितेको खण्डमा बाग्मती प्रदेश सभामा यहांँको जनताको आवाजको प्रतिनिधित्व गर्ने उनको प्रतिबद्धता थियो ।
नेपाली कांँग्रेस चितवनका सभापति तथा पांँचदलीय निर्वाचन परिचालन समितिका संयोजक राजेश्वर खनालले संयमित भएर चुनावी अभियानलाई अघि बढाउन आग्रह गरे । सामाजिक सञ्जालमा कमेन्ट तथा विचार व्यक्त गर्दा सचेत रहनुपर्ने उनको भनाई थियो । उनले मतदातासंँग उम्मेदवारले सरल, सभ्य व्यवहार गर्नुपर्नेमा जोड दिए ।
नेपाली काँग्रेस चितवनका निवर्तमान सभापति जितनारायण श्रेष्ठले सबैजना एकत्रित भई चुनावी अभियानमा होमिन आग्रह गरे । पार्टीका अन्तरद्वन्द्व , प्रतिस्पर्धालाई बिर्सेर लोकतान्त्रिक गठबन्धनलाई जिताउन चुनावी अभियानलाई घरघरमा लग्नुपर्नेमा उनले जोड दिए ।
महासमिति सदस्य प्रकाश अधिकारीले निर्वाचनमा अफवाह, तरंग, आरोप, प्रत्यारोप फैलने भएकोले नेता कार्यकर्तालाई जनता समक्ष सकारात्मक कुरा बुझाउनु पर्ने बताए । पार्टीको निर्णय र निर्देशनभन्दा बाहिर जाने छुट कसैलाई नभएको भन्दै अधिकारीले नीति र नियममा बांँधिएर मतदाता समक्ष जानुपर्नेमा उनले जोड दिए । कांँग्रेसको कांँधमा ठूलो जिम्मेवारी आएको भन्दै उनले केपी ओलीको प्रवृत्तिलाई परास्त गर्न पनि लोकतान्त्रिक गठबन्धनको जित आवश्यक रहेको बताए ।
सहभागी अन्य वक्ताहरुले नेता कार्यकर्ता भेटघाट , सभा सम्मेलन भन्दा पनि चुनावी अभियानका सबै संयन्त्रलाई परिचालित गरी जनताको घरदैलौमा जान सुझाव दिएका दिए ।
