काठमाडौँ ८ मङ्सिर
आन्दोलनलाई रोक्न मेडिकल व्यवसायी दुर्गा प्रसाईंलाई नेपाल प्रहरीले घरबाट निस्कन नदिने नयाँ रणनीति लिएको छ ।
राष्ट्र, राष्ट्रियता, धर्म संस्कृति र नागरिक बचाऔँ अभियानको नेतृत्व गरिरहेका प्रसाईंलाई उनकै भक्तपुर थिमीस्थित निवासमा प्रहरी तैनाथ गरिएको हो । आजदेखि हरेक दिन तीनकुनेमा भेला भएर सिंहदरबार र राजनीतिक दलका नेताका घर लक्षित ‘श्रीलंका स्टाइल’ मा आन्दोलन गर्ने उद्घोष गरेका उनलाई घरबाट निस्कन नदिने तयारी भएको हो ।
प्रसाई्रंका प्रेस संयोजक सज्जन राज पोख्ररेलले भने, ‘बिहानैदेखि प्रहरीले घर घेराउ गरेर राखेको छ । हामीले आज निस्कन नदिने भन्ने खबरहरु पनि पाएका छौँ, बाक्लो संख्यामा प्रहरीहरुको चारैतिर परिचालन भएको छ। तीनकुनेमा कार्यक्रम गर्न पनि नदिइने भनिएको छ । तर आजको आन्दोलन हिजोको भन्दा थप बलियो हुनेछ, आजको कार्यक्रमका लागि पत्रकार सम्मेलनको तयारी भइरहेको छ ।’
