काठमाडौं, फागुन ८ । राष्ट्रिय स्वतन्त्र पार्टी (रास्वपा) ले लुम्बिनी र गण्डकी प्रदेशमा तय गरेका आफ्ना विशेष कार्यक्रमहरू स्थगित गरेको छ। फागुन ९ गते भैरहवा र फागुन १० गते पोखरामा आयोजना गर्ने भनिएको जनसम्बोधन कार्यक्रम विशेष कारणवश हाललाई स्थगित गरिएको हो।
Advertisement
पार्टीका सहप्रवक्ता प्रतिभा रावलका अनुसार पार्टी सभापति रवि लामिछाने र वरिष्ठ नेता बालेन्द्र शाहले सम्बोधन गर्ने भनिएका यी कार्यक्रमहरू अर्को सूचना जारी नभएसम्मका लागि रोकिएका हुन्। नेता शाहको अचानकको अस्वस्थता र अन्य केही प्राविधिक कारणले कार्यक्रम स्थगित गर्नु परेको बुझिएको छ।
रास्वपाले यसअघि नै कर्णालीको सुर्खेतबाट आफ्नो ‘१०० बुँदे संकल्प’ सार्वजनिक गरिसकेको छ भने चुनावी प्रचारप्रसारलाई तीव्रता दिँदै आएको छ।
