काठमाडौं, फागुन १७ । राष्ट्र, राष्ट्रियता, धर्म–संस्कृति तथा नागरिक बचाउ महाअभियानका संयोजक तथा विवादास्पद मेडिकल व्यवसायी दुर्गा प्रसाईं पुनः पक्राउ परेका छन्।
Advertisement
जिल्ला प्रहरी परिसर भक्तपुरको टोलीले आइतबार बिहान उनलाई भक्तपुरस्थित आफ्नै निवासबाट नियन्त्रणमा लिएको हो। हाल उनलाई जिल्ला प्रहरी परिसर भक्तपुरको हिरासतमा राखिएको छ।
प्रसाईंको नेतृत्वमा आज नेपाल बन्दको कार्यक्रम घोषणा गरिएको थियो। उनले पूर्वराजपरिवार नै सडक आन्दोलनमा सहभागी हुने भन्दै उत्तेजक अभिव्यक्ति दिएका थिए। तर पूर्वराजपरिवारका तर्फबाट सडकमा आउने कुनै आधिकारिक कार्यक्रम नरहेको बताइएको छ।
यसअघि पनि पटक पटक पक्राउ पर्दै छुट्दै आएका प्रसाईं पछिल्लोपटक फागुन ४ गते काठमाडौंबाट पक्राउ परेर १३ फागुनमा रिहा भएका थिए ।
