मुस्ताङ, फागुन २२ । हिमाली जिल्ला मुस्ताङमा भएको प्रतिनिधिसभा निर्वाचनमा नेपाली कांग्रेसले आफ्नो जित दर्ता गराएको छ।
Advertisement
निर्वाचनको अन्तिम परिणामअनुसार कांग्रेस उम्मेदवार योगेश गौचन थकाली ३,३०७ मत प्राप्त गर्दै विजयी हुनुभएको हो। उहाँले आफ्ना निकटतम प्रतिद्वन्द्वी नेकपा एमालेका इन्द्रधारा विष्टलाई पराजित गर्नुभएको हो, जसले १,८०६ मत प्राप्त गर्नुभएको थियो।
पूर्वमन्त्री एवं कांग्रेस नेता रोमी गौचन थकालीका छोरा योगेश यसअघि विघटित प्रतिनिधिसभाका सदस्य समेत हुनुहुन्थ्यो। मुस्ताङको यो नतिजासँगै कांग्रेसले यस हिमाली जिल्लामा आफ्नो बलियो पकड पुन: प्रमाणित गरेको छ।
