रास्वपाद्वारा संसदीय समितिका उम्मेदवार घोषणा (सूचीसहित)

Nabin Press

बिहिबार, बैशाख ०३, २०८३ मा प्रकाशित

काठमाडौं, वैशाख ३ । राष्ट्रिय स्वतन्त्र पार्टी (रास्वपा) ले प्रतिनिधि सभाका विभिन्न १० विषयगत र २ संयुक्त समितिहरूका लागि आफ्ना उम्मेदवारहरूको नामावली सार्वजनिक गरेको छ। संसदीय दलका नेता बलेन शाहको अध्यक्षतामा बसेको बैठकले विज्ञताका आधारमा उम्मेदवारहरू तय गरेको हो।

रास्वपाले सार्वजनिक गरेको सूची अनुसार विभिन्न समितिका लागि प्रस्तावित उम्मेदवारहरू निम्न रहेका छन्:

प्रस्तावित उम्मेदवारहरूको सूची:

समिति	प्रस्तावित सभापति
कानुन, न्याय तथा मानव अधिकार	समीक्षा बास्कोटा
पूर्वाधार विकास	आशिष गजुरेल
राज्य व्यवस्था तथा सुशासन	हरि ढकाल
कृषि, सहकारी तथा प्राकृतिक स्रोत	अशोक कुमार चौधरी
महिला तथा सामाजिक मामिला	आकृति अवस्थी
उद्योग, वाणिज्य, श्रम तथा उपभोक्ता हित	रहवर अन्सारी
शिक्षा, स्वास्थ्य तथा सूचना प्रविधि	ओजस्वी शेर्पा
अन्तर्राष्ट्रिय सम्बन्ध तथा पर्यटन	सुमनिमा उदास
अर्थ समिति	कृष्णहरि बुढाथोकी
राज्यका निर्देशक सिद्धान्त, नीति र दायित्व	गणेश कार्की
संसदीय सुनुवाइ समिति	बोध नारायण श्रेष्ठ

पार्टीले आशिष गजुरेललाई पूर्वाधार, सुमनिमा उदासलाई अन्तर्राष्ट्रिय सम्बन्ध र समीक्षा बास्कोटालाई कानुन समितिको नेतृत्व सुम्पेर विषयगत विज्ञतालाई विशेष प्राथमिकता दिएको देखिन्छ।

संसदीय दलका नेता बलेन शाह र सभापति रवि लामिछानेले यी उम्मेदवारहरूले सम्बन्धित समितिमा प्रभावकारी भूमिका खेल्ने विश्वास व्यक्त गरेका छन्। बैठकले सार्वजनिक लेखा समितिमा भने नेपाली कांग्रेसका उम्मेदवारलाई समर्थन गर्ने निर्णयलाई पुनः पुष्टि गरेको छ।

यी पदका लागि आजै मनोनयन दर्ता हुने र भोलि शुक्रबार निर्वाचन हुने कार्यतालिका रहेको छ।