काठमाडौं, वैशाख १४ । आजदेखि देशभर कक्षा १२ को वार्षिक परीक्षा सुरु भएको छ।
Advertisement
बिहान ८ बजेदेखि सुरु भएको यस परीक्षामा देशभरका ४ लाख १८ हजार ८ सय ७ जना परीक्षार्थीहरू सहभागी भइरहेका छन्, जसमा नियमिततर्फ ३ लाख ३२ हजार १ सय ७८ र आंशिकतर्फ ८५ हजार ८ सय ३० जना विद्यार्थी रहेका छन्।
राष्ट्रिय परीक्षा बोर्डले यसपटक जापानको एभरेस्ट स्कुलका ३६ जना विद्यार्थीलाई समेत समेट्दै देशभर १ हजार ४ सय २१ परीक्षा केन्द्रहरू तोकेको छ। बोर्डले परीक्षालाई व्यवस्थित बनाउन परीक्षार्थीहरूलाई आधा घण्टा अगावै केन्द्रमा पुग्न आग्रह गरेको थियो।
वैशाख २७ गते समापन हुने यस परीक्षाको नतिजा परीक्षा सकिएको डेढ महिनाभित्रै सार्वजनिक गर्ने तयारी बोर्डले गरेको छ, जसले विद्यार्थीहरूको शैक्षिक सत्रलाई थप प्रभावकारी बनाउने विश्वास गरिएको छ।
