काठमाडौँ, जेठ १५ । सरकारले आगामी आर्थिक वर्ष २०८३/८४ को बजेटमार्फत निजामती कर्मचारीहरूको पारिश्रमिकमा वृद्धि गरेको छ। सङ्घीय संसद्को संयुक्त बैठकमा बजेट प्रस्तुत गर्दै अर्थमन्त्री डा. स्वर्णिम वाग्लेले कर्मचारीहरूको तलब वृद्धिको घोषणा गर्नुभएको हो।
नयाँ व्यवस्था अनुसार कर्मचारीहरूको सुरु तलब स्केलमा १० प्रतिशतले वृद्धि गरिएको छ। यस वृद्धिसँगै अब कर्मचारीहरूको न्यूनतम तलब ४० हजार रुपैयाँदेखि अधिकतम १ लाख रुपैयाँभन्दा माथि कायम हुने अर्थमन्त्री डा. वाग्लेले जानकारी दिनुभयो।
यसका साथै, कर्मचारीहरूको कार्यसम्पादनलाई प्रोत्साहन गर्न र पारिश्रमिकलाई नतिजामुखी बनाउन सरकारले नयाँ रणनीति अपनाएको छ। कार्यसम्पादनका आधारमा पारिश्रमिक दिने प्रणालीको सुरुवात स्वरूप सुरु तलबमानको थप १० प्रतिशत मासिक प्रोत्साहन भत्ताको समेत व्यवस्था गरिएको बजेट वक्तव्यमा उल्लेख छ।
