फिफा विश्वकप २०२६: २८ वर्षपछि फर्किएको स्कटल्याण्डको सुखद सुरुआत, हाइटी पराजित

काठमाडौं, जेठ ३१ । फिफा विश्वकप २०२६ अन्तर्गत समूह ‘सी’ को उद्घाटन खेलमा हाइटीलाई १–० गोल अन्तरले पराजित गर्दै स्कटल्याण्डले सुखद सुरुआत गरेको छ।

अमेरिकाको बोस्टन स्टेडियममा सम्पन्न खेलको २८औँ मिनेटमा जोन म्याकगिनलले गरेको गोल नै स्कटल्याण्डका लागि निर्णायक बन्यो, जसको मद्दतले २८ वर्षपछि (सन् १९९८ पछि) विश्वकपमा फर्किएको स्कटल्याण्डले महत्वपूर्ण ३ अङ्क जोड्दै समूहको शीर्ष स्थान ओगटेको छ।

सोही समूहको अर्को खेलमा साविक विजेता ब्राजिल र मोरक्कोले १–१ गोलको बराबरी खेल्दै अङ्क बाँडेका छन्, जसका कारण मोरक्को दोस्रो, ब्राजिल तेस्रो र अङ्कविहीन हाइटी चौथो स्थानमा छन्। विश्वकप अन्तर्गत आजै हुने अन्य खेलहरूमा समूह ‘डी’ का अस्ट्रेलिया र टर्की बिहान ९:४५ बजे तथा समूह ‘ई’ का जर्मनी र कुराकाओ राति १०:४५ बजे प्रतिस्पर्धा गर्दैछन्।