काठमाडौं, साउन ५ । कीर्तिपुरमा मंगलबार कारभित्र जलेको अवस्थामा भेटिएका व्यक्ति सोही ठाउँका ७० वर्षीय सुरेशचन्द श्रेष्ठ रहेको पुष्टि भएको छ।
Advertisement
कीर्तिपुर नगरपालिका-१ मा बा ५ च ३०३८ नम्बरको कारभित्र श्रेष्ठ मृत अवस्थामा फेला परेका हुन्। पहिचान खुलेसँगै शवलाई पोस्टमार्टमका लागि त्रिभुवन विश्वविद्यालय शिक्षण अस्पताल (टीयू टिचिङ), महाराजगञ्ज पठाइएको छ।
घटनाको कारण अझै खुल्न सकेको छैन। प्रहरीले घटनास्थलको अनुसन्धान जारी राखेको र पोस्टमार्टम रिपोर्टपछि मात्र थप विवरण आउने जनाएको छ।
