काठमाडौं, साउन ८ ।  नेकपा (एमाले)का नेता महेश बस्नेत ले व्यंग्यात्मक कवितामार्फत काठमाडौं महानगरपालिकाका प्रमुख बालेन्द्र (बालेन) शाह, राष्ट्रिय स्वतन्त्र पार्टी (रास्वपा)का सभापति रवि लामिछाने, सांसद डा. स्वर्णिम वाग्ले र नेता सुदन किराती माथि राजनीतिक टिप्पणी गरेका छन्।

सामाजिक सञ्जालमार्फत सार्वजनिक गरिएको कवितामा बस्नेतले उनीहरूलाई लक्षित गर्दै राष्ट्रवाद, चुच्चे नक्सा र विदेशी प्रभावसँग जोडेर व्यंग्य गरेका छन्।

बस्नेतले लेखेका छन्:

“बालेन, रवि, स्वर्णिम र सुधन मिलेछन्,
ओलीले बनाएको चुच्चे नक्सा निलेछन् !
राष्ट्रवादको नारा उचाल्नेहरू,
आज विदेशी इशारामा चलेछन् !!”

उनको उक्त कविता सार्वजनिक भएपछि सामाजिक सञ्जालमा मिश्रित प्रतिक्रिया देखिएको छ। समर्थकहरूले बस्नेतको अभिव्यक्तिको समर्थन गरेका छन् भने आलोचकहरूले यसलाई राजनीतिक आरोप र व्यंग्यको संज्ञा दिएका छन्। एमाले र रास्वपासहितका राजनीतिक दलहरूबीच पछिल्लो समय बढ्दो आरोप–प्रत्यारोपका बीच बस्नेतको यो अभिव्यक्ति सार्वजनिक भएको हो।