काठमाडौं, वैशाख ३ । काठमाडौंको बुढानिलकण्ठ नगरपालिका–११ कपन हाईटस्थित सडकमा बागमती प्रदेश ०२–००२ ज ८८२१ नम्बरको ईभी गाडीको ठक्करबाट सोही ठाउँ बस्ने संखुवासभा घर भएका फुरू तेम्बा शेर्पाको गए राति मृत्यु भएको छ । ठक्करबाट गम्भीर घाइते भएका उनको टिचिङ अस्पतालमा उपचारको क्रममा मृत्यु भएको हो । ईभी चालकलाई प्रहरीले नियन्त्रणमा लिएको छ ।
प्युठानको ऐरावती गाउँपालिका–२ बिरीबाङ खोलास्थित सडकमा बरौलाबाट दाङबाङतर्फ जाँदै गरेको लु.१ ज १६६९ नम्बरको जीप बुधबार बेलुकी दुर्घटना हुँदा जीपमा सवार सोही गाउँपालिका–१ बस्ने ६५ वर्षीय सुक बहादुर नेपालीको मृत्यु भएको छ । दुर्घटनामा गम्भीर घाइते भएका उनको जिल्ला अस्पताल बिजुवारमा उपचारको क्रममा मृत्यु भएको हो । साथै दुर्घटनामा घाइते भएका जीपमा सवार मध्ये ८ जनाको मर्सीसिटी हस्पिटल बुटवलमा र २ जनाको निमतारा पोलिक्लिनिक बिजुवारमा उपचार भइरहेको छ । जीप चालकलाई प्रहरीले नियन्त्रणमा लिएको छ ।
कैलालीको लम्किचुहा नगरपालिका–५ चौरीस्थित सडकमा से.१ त ८७५८ नम्बरको ट्याक्टरको ठक्करबाट सोही ठाउँ बस्ने राम बहादुर चौधरीकी छोरी ६ वर्षीया डिनल चौधरीको बुधबार राति मृत्यु भएको छ । ठक्करबाट गम्भीर घाइते भएकी उनको बर्दगोरिया अस्पताल बहुनियामा उपचारको क्रममा मृत्यु भएको हो । ट्याक्टर चालकलाई प्रहरीले नियन्त्रणमा लिएको छ ।
भक्तपुरको सूर्यविनायक नगरपालिका–१० नलिन्चोकस्थित सडकमा बा. ८४ प ६७१४ नम्बरको मोटरसाइकल अनियन्त्रित भई बुधबार राति दुर्घटना हुँदा चालक सोही नगरपालिका–१० चित्तपोल बस्ने ४८ वर्षीय अर्जुन परियारको मृत्यु भएको छ । दुर्घटनामा गम्भीर घाइते भएका उनको भक्तपुर अस्पतालमा उपचारको क्रममा मृत्यु भएको हो ।
