बारा, भदौ २६ । सिमराकी तीन वर्षीया बालिका गरिमा चौधरीको बलात्कार तथा हत्या प्रकरणमा जिल्ला अदालत बाराले १० जना प्रतिवादीलाई धरौटी र साधारण तारेखमा रिहा गर्न आदेश दिएको छ।
प्रमुख जिल्ला न्यायाधीश प्रकाशकुमार अधिकारीको इजलासले जीतपुरसिमरा–१ का २४ वर्षीय प्रोगेश भन्ने पुग्रेश चौधरीलाई २० हजार रुपैयाँ धरौटीमा छाड्न आदेश दिएको हो। जिल्ला अदालतका श्रेस्तेदार राजकुमार दाहालका अनुसार घटनामा संलग्नता पुष्टि हुने ठोस प्रमाण नदेखिएकाले पुग्रेशलाई धरौटीमा र अन्य ९ जना प्रतिवादीहरूलाई साधारण तारेखमा रिहा गर्ने आदेश भएको हो।
बालिकाका बुबा मनोज चौधरीको किटानी जाहेरीका आधारमा प्रहरीले उनीहरूविरुद्ध अपहरण, शरीर बन्धक, जबरजस्ती करणी र कर्तव्य ज्यान मुद्दा दर्ता गरी अदालतमा पेस गरेको थियो। यसअघि सोही इजलासले घटनामा जोडिएका दुई नाबालकलाई भने पुर्पक्षका लागि वीरगन्जस्थित बाल सुधार गृह पठाउने आदेश दिइसकेको छ।
गत साउन ३१ गते घरबाट हराएकी गरिमा भदौ २ गते स्थानीय भक्तिनगरमा मृत भेटिएकी थिइन्। घटनापछि स्थानीयको तीव्र प्रदर्शनका साथै अनुसन्धानका क्रममा अस्पतालको भिडियो काण्ड सार्वजनिक
