कञ्चनपुर, असोज २७ । कञ्चनपुरको बेलौरीमा एक नाबालकमाथि धारिलो हतियार देखाएर कुटपिट गरेको आरोपमा प्रहरीले पाँच जनालाई नियन्त्रणमा लिएको छ।
Advertisement
प्रहरीका अनुसार बेलौरी नगरपालिका–१, रतनपुरका नाबालकमाथि खुकुरी देखाएर कुटपिट गरेको घटनामा संलग्न रहेको आरोपमा सोही स्थानका पाँच जनालाई नियन्त्रणमा लिइएको हो।
पक्राउ पर्नेमा २१ वर्षीय आशिष बिष्ट, १९ वर्षीय दिलीप भट्ट, २१ वर्षीय शंकर सुनार, २३ वर्षीय सुजित अधिकारी र २२ वर्षीय मिलन तिरुवा रहेका छन्।
घटनाबारे अपहरण, शरीर बन्धक तथा ज्यान मार्ने उद्योग र अपमानजनक तथा अमानवीय व्यवहारसम्बन्धी कसुरमा मुद्दा दर्ता गरी थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ।
घटनामा संलग्न रहेको आरोपमा पक्राउ परेका पाँचै जनामाथि प्रहरीले अनुसन्धान अघि बढाएको छ।
