काठमाडौं, असोज २७ । नेपाल टेलिकमले आफ्ना ग्राहकलाई लक्षित गर्दै विभिन्न आकर्षक भ्वाइस, डाटा तथा कम्बो प्याकेजसहितको ‘अटम अफर २०८३’ सार्वजनिक गरेको छ। कम्पनीले नयाँ भ्वाइस तथा डाटा प्याकेज सञ्चालनमा ल्याउनुका साथै विद्यमान डाटा र कम्बो प्याकेजलाई थप आकर्षक बनाएको जनाएको छ ।
कम्पनीका अनुसार अटम अफर २०८३ अन्तर्गत ग्राहकले आफ्नो आवश्यकता र बजेटअनुसार विभिन्न प्रकारका प्याकेज छनोट गरी सेवा लिन सक्नेछन्। यो अफर २०८३ असोज २६ गतेदेखि लागू भएको हो ।
नेपाल टेलिकमले अल नेट भ्वाइस प्याकअन्तर्गत ३५, ४९, ९८, १८९ र २९९ रुपैयाँका प्याकेज उपलब्ध गराएको छ । यी प्याकेजबाट क्रमशः १०१, १११, २२२, ३३३ र ६६६ मिनेटसम्म अल नेट भ्वाइस सेवा प्रयोग गर्न सकिनेछ। प्याकेजको समयावधि क्रमशः एक दिन, तीन दिन, सात दिन, ३० दिन र ३० दिन रहेको छ । कम्पनीले ‘सजिलो अनलिमिटेड’ योजनाअन्तर्गत ६९९ रुपैयाँ र १ हजार ४९९ रुपैयाँका दुई प्याकेज पनि उपलब्ध गराएको छ ।
६९९ रुपैयाँको ३० दिन अवधिको प्याकेजमा अनलिमिटेड अल नेट भ्वाइस, ३० जीबी डाटा र २०० वटा अल नेट एसएमएस उपलब्ध हुनेछन् । त्यस्तै, १ हजार ४९९ रुपैयाँको ३० दिन अवधिको प्याकेजमा अनलिमिटेड अल नेट भ्वाइस, ६०० जीबी डाटा र ३५० वटा अल नेट एसएमएस प्रयोग गर्न सकिने कम्पनीले जनाएको छ ।
अटम अफरअन्तर्गत पोस्टपेड प्रयोगकर्ताले ३७३ रुपैयाँको रेन्टल चार्जमै विभिन्न प्रकारका भ्वाइस तथा डाटा प्याकेजका साथै अन्य कम्बो प्याकेज प्रयोग गर्न सक्नेछन् । यसका अतिरिक्त ग्राहकका आवश्यकतालाई ध्यानमा राख्दै कम्पनीले विभिन्न भ्वाइस तथा डाटा प्याकेज उपलब्ध गराएको छ । अफरमा बन्डल्ड प्याक, एडअन प्याकेज, सीयूजी प्याकेज, एसएमएस प्याक तथा एफटीटीएच प्याकेजसमेत समावेश छन्। फरक क्षमता भएका व्यक्तिहरूका लागि पनि छुट्टै प्याकेजको व्यवस्था गरिएको कम्पनीले जनाएको छ ।
ग्राहकले नेपाल टेलिकमको सेवा प्रयोग गरी उपलब्ध प्याकेजबारे जानकारी लिन तथा सेवा खरिद गर्न सक्नेछन् । त्
