काठमाडौँ । आगामी मंसिर ४ गते हुन गइरहेको प्रतिनिधि सभा निर्वाचनमा देशभरबाट प्रत्यक्ष तथा समानुपातिक उम्मेदवारका लागि कांग्रेसका नेताहरुले धमाधम उम्मेदवारीका नाम दर्ता गरेका छन । आवेदन दर्ता गर्नेमा बहालवाला मन्त्री , उद्योगी, व्यवसायी समाजसेवी एवं पत्रकारको पनि बाक्लो उपस्थिति छ ।
यसैक्रममा स्याङ्जाको दुबै क्षेत्रबाट सिफारिस भएका स्याङ्जा भिरकोट ७ निवासी खुमा अर्यालले पनि स्याङ्जाको दुबै क्षेत्रबाट प्रत्यक्ष प्रतिनिधि सभाको लागि आवेदन दिएका छन । अर्याल जिल्लामा एक बौद्धिक एवं सफल उद्योगी व्यवसायी तथा समाजसेवीको नामले चिनिन्छ्न । व्यवसायसंगै नेपाली कांग्रेसको राजनीतिमा उत्तिकै सक्रिय रहंदै आएका छन ।
नेपाली कांग्रेसका अर्थ तथा बित्तीय सल्लाहकार समेत रहेका अर्याल गत २०७० सालको संविधानसभा निर्वाचनमा नेपाली कांग्रेस समानुपातिक तर्फबाट उमेदवार भएका थिए ।
पार्टी सभापति शेर बहादुर देउवा विश्वास एवं निकट पात्र मानिने अर्यालले अहिले प्रत्यक्षतर्फ उमेदवारी दर्ता गरेका छन । देशका विभिन्न ठाउँहरुमा स्वास्थ्य, शिक्षा, कृषि, जलविद्युत लगायतका दर्जनौं क्षेत्रहरुमा लगानी गरेका उनले विभिन्न क्षेत्रहरुमा करोडौं लगानी गरेर हजारौंलाई रोजगारी दिन सफल भएका छन । अर्यालको आफ्नै गृह जिल्ला स्याङ्जामा पनि विभिन्न क्षेत्र गरि करिब एक अर्बको लगानी छ । साथै स–साना कार्यक्रम हुन या ठुला ठुला मेला महोत्सव या ठुला ठुला कार्यक्रम जहाँ पनि सहयोग गर्नेमा पहिलो नम्बरमा खुमा अर्यालकै नाम आउँछ ।
बिगत केही बर्ष देखि त खुमा अर्याल फाउन्डेसन संस्था दर्ता गरि शिक्षा, स्वास्थ्य र रोजगारको क्षेत्रमा अभियानै चलाएर सामाजिक कार्यमा अग्रसर हुंदै आएका छन । खुमा अर्याल आफ्नो क्षेत्रलाई विकास गर्न संभव भएसम्म उद्योग व्यवसाय आफ्नै क्षेत्रमा गरि जिल्लाको पहिचान बढाइ रोजगार दिनुपर्ने मान्यता राख्छन ।
स्याङ्जाको कालिका सामुदायिक अस्पताल कालिका क्याम्पस स्थापना गर्न अगुवाइ गरेका अर्यालले स्याङ्जाका विभिन्न विद्यालय तथा संघ सस्थाहरुमा करोडौं रकम सहयोग गरिसकेका छन् । त्यति मात्रै होइन नेपाली कांग्रेस जिल्लाको पार्टी कार्यालय निर्माणमा पनि आर्थिक सहयोग गर्नेमा उनको नै ठूलो योगदान छ । जिल्लामा मात्रै होइन उनले व्यावसायिक र सामाजिक सेवाको यात्रा देशभरि नै फैलाएका छन ।
स्याङ्जामा मात्रै होइन रुपन्देहीमा पनि उनको प्रभाव र पकड राम्रो छ । त्यसैले त नेपाली कांग्रेसले उनलाई पटकपटक रुपन्देहीबाट चुनाव लड्न आग्रह गरेको थियो तर उनले आफ्नै जिल्लाबाट चुनाव लड्ने अडानमा छ्न । यस पटक भने स्याङ्जामा दुबै क्षेत्रबाट सिफारिस भएका उनी संगै सिफारिस भएमध्ये एक नम्बर क्षेत्रमा पार्टी जिल्ला सभापति राजु थापा र केन्द्रिय उपसभापति धनराज गुरुङको पनि जिल्लामा राम्रो प्रभाव रहेको बताईन्छ ।
