चितवन । चितवन राजनीतिमा सधै चर्चामा आउने जिल्ला हो । देशकै केन्द्र भागमा रहेको र शिर्षस्थ नेताहरुको चुनावी सरगर्मी बन्ने यो जिल्ला पटकपटक चर्चित र आलोचित बन्दै आएको छ ।
त्यसै शिलशिलामा आज नेपाली कांग्रेस चितवनले आयोजना गरेको विपिको १०९ औं जन्म जयन्ति कार्यक्रममा प्रमुख अतिथि तथा कांग्रेस सभापति प्रधानमन्त्री शेरबहादुर देउवा बिहान चितवन आए । भरतपुर विमानस्थलमा हेलिकप्टरमा चढेर आएका देउवाको सुरक्षा अत्यन्त कडा पारिएको थियो । विमानस्थलमा स्वागत गर्न पुगेका केही कांग्रेसका नेता तथा कार्यकर्ता भिआइपी कक्षको गेट सम्म जान पाएपनि चितवनका मुलधारका मिडिया देखि स्थानीय मिडिया सम्मलाई समाचार संकलन तथा भिडियो, फोटो खिच्न समेत रोक लगाईयो ।
पत्रकार महासंघ चितवनका अध्यक्ष नारायण अधिकारीको पहलमा मात्र केही पत्रकारले प्रवेश पाए । विमानस्थलको सुरक्षा निकायबाट तल्लो स्तरमा हेपिएका पत्रकार निरीह रहनु बाहेक केही विकल्प रहेन । चितवन कांग्रेसले आयोजना गरेको यति ठूलो कार्यक्रम फितलो र अव्यस्थित थियो । अझै फरक रोचक र लाजमर्दो बिषय बन्यो विपि कोइराला मेमोरियल क्यान्सर अस्पतालकोसभाहल प्रधानमन्त्री आउनु भन्दा अघि नै खचाखच थियो । ड्यासमा पनि केही मन्त्री तथा शिर्षस्थ नेता बाहेक अन्य कोही थिएन । तर आफ्नो देशको प्रधानमन्त्रीको रिपोर्टिङको लागि पुगेका जिल्लाका पत्रकारले न कुर्सीमा बसेर रिर्पोटिङ गर्न पाए नत भिडीयो र फोटो खिच्नै पाए । पत्रकार महासंघ चितवनका अध्यक्ष तथा अन्य पत्रकार सम्बद्ध अध्यक्ष एवं पदाधिकारीका लागि नत आसन ग्रहणको लागि बोलाईयो न त कुनै बिशेष स्थान तोकेर पत्रकार बस्नलाई सिट दिईयो ।
सबै पत्रकार भुइमा बसेर समाचार संकलन गरेको दृश्य निकै लज्जास्पद र भद्धा मजाक थियो । चितवन कांग्रेसले अघिल्ला समयमा पनि आफूलाई चाहिने बेला मात्र पत्रकार सम्झने गर्दै आएकोमा अहिले चुनावको मुखमा आएर पनि पत्रकारलाई अपमान व्यवहार गर्नु पार्टीको लागि नै हानी हुने जिल्लाका पत्रकारहरु बताउंछन्।
कांग्रेसले अन्य संगठनका पत्रकारलाई त परै जाओस नेपाल प्रेस युनियनका पत्रकारलाई समेत निम्तासम्म दिन नसक्नुले पुनः चितवनको अहिलेको नेतृत्व आलोचित र विवादित बन्नु परेको छ । यसले कांग्रेसलाई क्षणिक रुपमा नभई दिर्घकालीन रुपमा असर पर्ने पत्रकारहरुको धारणा रहेको छ । त्यति मात्र होइन जिल्लाका अग्रज नेता तथा व्यत्तित्वलाई प्रधानमन्त्री स्वयंले सम्मान गर्ने कार्यक्रममा आधा भन्दा बढीलाई जिल्ला सभापति राजेश्वर खनालले सम्मानपत्र बाँडिएको दयनीय अवस्था ले त थप लज्जित बनाएको थियो ।
प्रधानमन्त्रीको हातबाट सम्मान पाउने व्यग्र प्रतिक्षा र आशामा कार्यक्रमस्थल पुगेका अधिकांश व्यत्तित्व एकाएक निराश बने ।‘ जिवनभर पार्टीको लागी हिडियो तर एउटा सम्मान दिंँदांपनी फितलो बनाएर के गर्न खोजेको कुन्नी बरू सम्मान नगरेको भए हुने, एक बृद्द कांग्रेसका योद्दा भन्दै थिए, घरभरी सम्मानपत्र छ यस्तो गरेर दिएको सम्मान निल्नु न ओकल्नु भयो ।’
