काठमाडौं, फागुन १२ । सरकारले आगामी फागुन २१ गते हुने प्रतिनिधिसभा सदस्य निर्वाचनका लागि देशैभर तीन दिन सार्वजनिक बिदा दिने निर्णय गरेको छ।

Advertisement

सिंहदरबारमा आज बसेको मन्त्रिपरिषद् बैठकले निर्वाचनलाई लक्षित गर्दै फागुन २०, २१ र २२ गते सार्वजनिक बिदा दिने निर्णय गरेको हो। सरकारका प्रवक्ता एवं गृहमन्त्री ओमप्रकाश अर्यालले निर्वाचन आयोगको सिफारिसअनुसार मतदाता र निर्वाचनमा खटिने कर्मचारीहरूको सहजताका लागि यो निर्णय गरिएको जानकारी दिनुभयो।

निर्वाचनको अघिल्लो दिन फागुन २०, निर्वाचन हुने दिन फागुन २१ र निर्वाचन पछिको मतगणना तथा व्यवस्थापनको समय फागुन २२ लाई समेटेर यो बिदा घोषणा गरिएको हो। यस निर्णयसँगै देशभरका सरकारी कार्यालय, शैक्षिक संस्था र सार्वजनिक निकायहरू तीन दिन बन्द रहनेछन्।