काठमाडौं, फागुन २६ । भारतीय प्रधानमन्त्री नरेन्द्र मोदीले सोमबार राष्ट्रिय स्वतन्त्र पार्टीका सभापति रवि लामिछाने र नेता बालेन्द्र शाहलाई फोन गरेर बधाई दिएका छन्।
कुराकानीको क्रममा उनले चुनावमा उनीहरूको जीत र रास्वपाले पाएको सफलताको प्रशंसा गरे। साथै, बन्न लागेको नयाँ सरकारलाई शुभकामना दिँदै दुई देशको उन्नति र हितका लागि मिलेर काम गर्ने प्रतिबद्धता पनि जनाए।
प्रधानमन्त्री मोदीले भने-
“राष्ट्रिय स्वतन्त्र पार्टी (रास्वपा) का सभापति श्री रवि लामिछाने र रास्वपाका वरिष्ठ नेता श्री बालेन्द्र शाहसँग हार्दिक टेलिफोन संवाद भएको छ।
मैले दुवै नेताहरूलाई उनीहरूको चुनावी जीत र नेपालको निर्वाचनमा रास्वपाले हात पारेको शानदार सफलताका लागि बधाई दिएँ। साथै, आगामी नयाँ सरकारका लागि शुभकामना व्यक्त गर्दै दुई देशको आपसी समृद्धि, प्रगति र हितका लागि उनीहरूसँग मिलेर काम गर्ने भारतको प्रतिबद्धता समेत जनाएँ।
मलाई विश्वास छ कि हाम्रो संयुक्त प्रयासबाट आगामी वर्षहरूमा भारत र नेपालको सम्बन्धले नयाँ उचाइ लिनेछ।”
