काठमाडौं, चैत्र ५ । निर्वाचन आयोगले प्रतिनिधिसभा सदस्य निर्वाचनको अन्तिम प्रतिवेदन आज राष्ट्रपति रामचन्द्र पौडेलसमक्ष पेस गर्दैछ। प्रतिवेदन बुझाउनुअघि बिहान साढे ११ बजे आयोगको कार्यालयमा समानुपातिकतर्फका नवनिर्वाचित सांसदहरूलाई प्रमाणपत्र वितरण गरिने कार्यक्रम रहेको छ।

Advertisement

राष्ट्रपतिलाई प्रतिवेदन बुझाएपछि संविधानको धारा ७६(१) बमोजिम नयाँ सरकार गठनको संवैधानिक प्रक्रिया औपचारिक रूपमा सुरु हुनेछ। यसपटकको निर्वाचनमा राष्ट्रिय स्वतन्त्र पार्टी (रास्वपा) ले २७५ सदस्यीय प्रतिनिधिसभामा १८२ सिट (प्रत्यक्षमा १२५ र समानुपातिकमा ५७) सहित स्पष्ट बहुमत हासिल गरेको छ। अन्य प्रमुख दलहरूमा नेपाली कांग्रेसले ३८, नेकपा एमालेले २५ र नेकपाले १७ सिट प्राप्त गरेका छन्।