काठमाडौं, चैत २७ ।  प्रतिनिधिसभाले आज नयाँ उपसभामुख चयन गर्दैछ। सिंहदरबारमा दिउँसो ४:०० बजे हुने मतदानमा राप्रपाकी सरस्वती लामा र श्रम संस्कृति पार्टीकी रुबी कुमारी ठाकुर प्रतिस्पर्धामा हुनुहुन्छ। सत्तारुढ रास्वपाको समर्थन रहेकाले २६ वर्षीया ठाकुरलाई मुख्य दाबेदार मानिएको छ।

Advertisement

निर्वाचन प्रक्रिया अघि प्रधानमन्त्री बालेन्द्र शाहले राष्ट्रपतिको सम्बोधनको प्रतिलिपि टेबुल गर्ने र सभामुख डोलप्रसाद अर्यालले धन्यवाद प्रस्ताव प्रस्तुत गर्ने कार्यक्रम छ। त्यसपछि उम्मेदवारद्वय लामा र ठाकुरका पक्षमा परेका प्रस्तावहरूमाथि छलफल र मत विभाजन गरी नयाँ उपसभामुखको टुंगो लगाइनेछ।