काठमाडौं, वैशाख ३ । प्रधानमन्त्री वालेन्द्र शाह ‘बालेन’ ले पदभार ग्रहण गरेपश्चात् पहिलोपटक आज सातै प्रदेशका मुख्यमन्त्रीहरूसँग विशेष संवाद गर्दैछन्।
दिउँसो २ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्ने यस बैठकको मुख्य उद्देश्य केन्द्र र प्रदेशबीचको समन्वयलाई थप प्रभावकारी र नतिजामुखी बनाउनु रहेको छ। बैठकमा प्रदेशहरूले झेलिरहेका प्रशासनिक जटिलता र आर्थिक चुनौतीहरूको ठोस समाधान खोज्दै राष्ट्रिय प्राथमिकताका आयोजनाहरूलाई सफल पार्न दुई तहका सरकारबीचको सहकार्यलाई अझ सुदृढ बनाउने कार्यसूची तय गरिएको छ।
यसका साथै, मुलुकको वर्तमान आर्थिक अवस्था, पूर्वाधार विकास र सेवा प्रवाहमा व्यापक सुधार ल्याई सुशासनको प्रत्याभूति दिलाउन साझा समझदारी निर्माण गर्ने अपेक्षा गरिएको छ, जसले संघीयताको कार्यान्वयनलाई नयाँ उचाइ दिने विश्वास लिइएको छ।
