काठमाडौं, वैशाख २३ । सर्वोच्च अदालतको प्रधानन्यायाधीश नियुक्ति प्रक्रियालाई अघि बढाउन संवैधानिक परिषद्को बैठक आह्वान गरिएको छ।
Advertisement
संवैधानिक परिषद्का अध्यक्ष समेत रहनुभएका प्रधानमन्त्रीको निर्देशनअनुसार परिषद् सचिवालयले बिहीबारका लागि बैठक बोलाएको हो। सचिवालयले बुधबार जारी गरेको पत्रानुसार बैठक २०८३ वैशाख २४ गते बिहीबार अपराह्न ५:०० बजे प्रधानमन्त्री तथा मन्त्रिपरिषद्को कार्यालय, सिंहदरबारमा बस्ने तय भएको छ।
यस बैठकको मुख्य कार्यसूची ‘प्रधानन्यायाधीशको नियुक्ति सिफारिस’ रहेको छ। लामो समयदेखि रिक्त रहेको वा रिक्त हुन लागेको प्रधानन्यायाधीशको पदपूर्ति गर्न परिषद्ले उपयुक्त उम्मेदवारको नाम सिफारिस गर्ने अपेक्षा गरिएको छ।
