काठमाडौं, वैशाख २८ । इस्तानबुलबाट २७३ यात्रु र ११ चालक दलका सदस्य बोकेर काठमाडौँ आएको टर्किस एयरलाइन्सको जहाज (TK726) आज बिहान त्रिभुवन अन्तर्राष्ट्रिय विमानस्थलमा अवतरणका क्रममा सम्भावित दुर्घटनाबाट जोगिएको छ।
Advertisement
धावनमार्गमा छुनेबित्तिकै जहाजको एउटा पाङ्ग्रामा अचानक आगो लागेपछि विमानस्थलमा आपतकालीन अवस्था सिर्जना भएको थियो। दमकलको सहयोगमा तत्काल आगो नियन्त्रणमा लिइएका कारण कुनै मानवीय क्षति हुन पाएन र सबै यात्रुलाई सुरक्षित उद्धार गरियो। यस घटनाले गर्दा करिब ९० मिनेट अवरुद्ध भएको विमानस्थल अहिले पुनः पूर्ण रूपमा सञ्चालनमा आएको छ भने प्राविधिक टोलीले आगलागीको कारणबारे अनुसन्धान सुरु गरेको छ।
