काठमाडौं, वैशाख २८ । नेपाल टेलिकमले नयाँ प्रिपेड ई-सिम (eSIM) अनलाइनबाटै लिन सकिने सुविधाको सुरुवात गरेको छ, जसले गर्दा अब ग्राहकहरू सिम कार्डका लागि टेलिकमको कार्यालयमा स्वयं उपस्थित हुनुपर्ने बाध्यता हटेको छ।

Advertisement

नयाँ ई–सिम लिन चाहने सेवाग्राहीले टेलिकमको वेबसाइट (esim.ntc.net.np) मा लगइन गरी आवश्यक विवरण भरेर विभिन्न डिजिटल वालेट वा क्यूआर कोडमार्फत रकम भुक्तानी गर्न सक्नेछन्। भुक्तानी सफल भएपछि प्राप्त हुने क्यूआर कोडलाई मोबाइलमा स्क्यान गरी तुरुन्तै ई–सिम सक्रिय बनाउन सकिनेछ। यस पोर्टलमा नयाँ सिम लिनुको साथै पुरानो भौतिक सिमलाई ई–सिममा बदल्ने र ग्राहक विवरण (KYC) अनलाइनबाटै अपडेट गर्ने सुविधा समेत उपलब्ध छ।

यो नयाँ व्यवस्थाले सेवाग्राहीको समय बचत हुनुका साथै सेवा प्रवाहलाई थप आधुनिक र सहज बनाएको छ।