काठमाडौं, जेठ २१ । परराष्ट्रमन्त्री शिशिर खनाल भारतीय विदेशमन्त्री एस. जयशंकरको निमन्त्रणामा औपचारिक भारत भ्रमणमा जाने भएका छन्। राष्ट्रिय स्वतन्त्र पार्टी (रास्वपा) का सभापति रवि लामिछानेको भारत भ्रमणको लगत्तै तय भएको यस भ्रमणलाई राजनीतिक वृत्तमा विशेष चासोका साथ हेरिएको छ।

Advertisement

यसअघि स्थगित भएको यो भ्रमण अहिले दुवै पक्षबीच पुनः तालिका मिलाएर अघि बढाइएको हो। नयाँ दिल्लीमा रहँदा परराष्ट्रमन्त्री खनालले भारतीय विदेशमन्त्री एस. जयशंकरसँग विस्तृत द्विपक्षीय वार्ता गर्नेछन्। त्यसैगरी, उनले भारतका वाणिज्य तथा उद्योगमन्त्री पीयूष गोयलसहित अन्य उच्च अधिकारीहरूसँग पनि छुट्टाछुट्टै भेटवार्ता गर्ने तय भएको छ। नेपाली पक्षले भ्रमणका क्रममा भारतीय प्रधानमन्त्री नरेन्द्र मोदीसँग समेत शिष्टाचार भेटका लागि आवश्यक पहल गरिरहेको स्रोतले जनाएको छ।