काठमाडौं,  असार १५ । पूर्वमन्त्री एवम् नेकपा एमालेका नेता विष्णु पौडेललाई सोमबार विशेष अदालतमा उपस्थित गराइएको छ। आफ्नो पदीय ओहोदाको दुरुपयोग गरी व्यवसायीलाई गैरकानूनी लाभ दिलाएको अभियोगमा गत असार ८ गते सुर्खेतबाट नियन्त्रणमा लिइएका पौडेललाई सम्पत्ति शुद्धीकरण अनुसन्धान विभागले हिरासतमा राखी अनुसन्धान गरिरहेको सन्दर्भमा थप न्यायिक प्रक्रियाका लागि अदालत पेस गरेको हो।

Advertisement

उनीमाथि मन्त्री पदमा रहँदा शक्तिको दुरुपयोग गरी व्यवसायी दीपक भट्टलाई विभिन्न कम्पनीको सेयर खरिद प्रक्रियामा अवैध रूपमा सहजीकरण गरिदिएको मुख्य कसुर छ। यसै सिलसिलामा विभागले उनको वित्तीय कारोबार र सम्पत्तिको स्रोतमाथि विस्तृत छानबिन अघि बढाएको छ। अदालतबाट म्याद थप भएसँगै यस प्रकरणमा जोडिएका अन्य पक्षहरूमाथि पनि अनुसन्धानको दायरा फराकिलो बनाइने बुझिएको छ।