काठमाडौँ, असार ३० । राष्ट्रपति रामचन्द्र पौडेलले संघीय संसद्को दुवै सदनबाट पारित भई आएका बजेटसँग सम्बन्धित तीन महत्त्वपूर्ण विधेयकहरू प्रमाणीकरण गरेका छन्।
Advertisement
राष्ट्रपति कार्यालयका प्रवक्ता रितेशकुमार शाक्यद्वारा जारी विज्ञप्तिअनुसार नेपालको संविधानको धारा ११३ को उपधारा (२) बमोजिम विनियोजन विधेयक २०८३, आर्थिक विधेयक २०८३, राष्ट्र ऋण उठाउने विधेयक २०८३ प्रमाणीकरण गरिएका हुन्।
राष्ट्रपति कार्यालयका अनुसार यी तीनवटै विधेयकहरू आजै अर्थात् २०८३ साल असार ३० गते प्रमाणीकरण गरिएका हुन्। संघीय संसद्बाट पारित भएर राष्ट्रपतिसमक्ष पठाइएका यी विधेयकहरू संवैधानिक प्रक्रिया पूरा भएसँगै प्रमाणीकरण भएका हुन्। योसँगै सरकारलाई आगामी आर्थिक वर्षका लागि बजेट खर्च गर्ने र राजस्व संकलन गर्ने कानुनी बाटो खुलेको छ।
