काठमाडौं, साउन २७ । नेपाल अटोमोबाइल्स एसोसिएसन (नाडा) को आयोजनामा जारी ‘नाडा नेपाल मोबिलिटी एक्स्पो २०२६’ का अवसरमा यसका बैंकिङ पार्टनर सिद्धार्थ बैंक लिमिटेडले ग्राहकहरूका लागि विशेष सवारी कर्जा योजना सार्वजनिक गरेको छ।
एक्स्पोको अवधिमा सवारी साधन खरिद गर्न चाहने ग्राहकलाई लक्षित गर्दै बैंकले अति सुलभ ब्याजदर र न्यून सेवा शुल्कमा कर्जा सुविधा उपलब्ध गराउने घोषणा गरेको हो।
साउन २६ देखि ३१ गतेसम्म (अगस्ट ११–१६, २०२६) सञ्चालन भइरहेको यस एक्स्पो अवधिभर सवारी साधन खरिदका लागि कर्जा लिने ग्राहकले आधार दरमा वार्षिक मात्र १ प्रतिशत प्रिमियम जोडिने सुलभ ब्याजदरमा यो सुविधा प्राप्त गर्न सक्नेछन्। सहज, सरल र प्रतिस्पर्धी ढङ्गले सवारीसाधन खरिद गर्न सहयोग पुर्याउने उद्देश्यले ल्याइएको यस कर्जा योजनासम्बन्धी थप जानकारीका लागि ग्राहकले बैंकको २४ सै घण्टा सञ्चालनमा रहने ग्राहक सेवा केन्द्र ‘सिद्धार्थ केयर’ मा सम्पर्क गर्न सक्नेछन्।
