काठमाडौं, भदौ १ । कुमारी बैंक लिमिटेडले आन्तरिक राजस्व विभागको करदाता प्रोत्साहन कार्यक्रमलाई सहयोग गर्न आफ्नो मोबाइल बैंकिङ्ग एपमा ‘आईआरडी प्रोत्साहन कार्यक्रम’ सुविधा ल्याएको छ। आर्थिक वर्ष २०८३/८४ को बजेट अन्तर्गतको यस कार्यक्रमले उपभोक्तालाई प्यान र भ्याट बिल लिन तथा डिजिटल भुक्तानी गर्न प्रोत्साहन गर्नेछ।
मुख्य विशेषताहरू:
न्यूनतम सीमा: नेपालभित्र व्यक्तिगत प्रयोजनका लागि रु. १०० भन्दा बढीको वस्तु वा सेवा खरिद गरी व्यापारीको क्यूआरमार्फत भुक्तानी गर्दा स्वतः यस योजनामा सहभागी भइन्छ।
पुरस्कारको व्यवस्था: आन्तरिक राजस्व विभागको व्यवस्था अनुसार दैनिक लक्की ड्रमार्फत एक जनाले रु. १ लाख र प्रत्येक १५ दिनमा एक जनाले रु. १० लाख बम्पर पुरस्कार प्राप्त गर्नेछन्।
एपबाटै जानकारी: ग्राहकहरूले कुमारी स्मार्ट मोबाइल बैंकिङ्ग एपको ‘आईआरडी प्रोत्साहन कार्यक्रम’ मेनुबाट आफ्नो योग्य कारोबार र पुरस्कारको अवस्था सहजै हेर्न सक्नेछन्।
बैंकले यस अभियानले नगदरहित अर्थतन्त्र निर्माण, कर अनुपालन वृद्धि तथा वित्तीय पारदर्शितालाई थप सुदृढ बनाउने विश्वास व्यक्त गरेको छ।
