काठमाडौं । ‘हामी नेपाल’ का संस्थापक तथा जेनजी आन्दोलनका अगुवा सुदन गुरुङले सामाजिक सञ्जालमा ‘जरुरी सूचना’ जारी गर्दै सरकारले आन्दोलनकारीसँग गरेको सम्झौता विपरीत काम गरिरहेको आरोप लगाएका छन् ।

Advertisement

सरकारको कार्यशैलीप्रति आक्रामक देखिएका गुरुङले पीडित परिवारका सदस्यहरूलाई न्याय र रिहाईका निम्ति सिधै गृहमन्त्री र सम्बन्धित अधिकारीहरूलाई सम्पर्क गर्न भन्दै उनीहरूको व्यक्तिगत मोबाइल नम्बर समेत सार्वजनिक गरेका छन् ।

सरकारले जेनजी आन्दोलनसँग सम्झौता गरे पनि प्रहरीले आन्दोलनका सहभागीविरुद्ध मुद्दा चलाउने क्रम नरोकेको भन्दै भदौ २३ र २४ मा भएको आन्दोलनमा पक्राउ परेका तर अझै रिहा हुन नसकेका व्यक्तिहरूका परिवारले सिधै गृहमन्त्री ओमप्रकाश अर्याल, गृहसचिव र सचिव सँग सम्पर्क गर्नु भनेर उनीहरुको नम्बर सार्वजनिक गरेका छन् ।