काठमाडौं, माघ २९ । आईसीसी टी-२० विश्वकप अन्तर्गत आज मुम्बईको वानखेडे स्टेडियममा भइरहेको खेलमा इटालीले टस जितेर फिल्डिङ रोजेपछि नेपालले पहिले ब्याटिङ गरिरहेको छ।
नेपालले आजको खेलका लागि आफ्नो टोलीमा एक परिवर्तन गर्दै अफ-स्पिनर शेर मल्लको स्थानमा अनुभवी बायाँहाते स्पिनर ललित राजवंशीलाई मैदान उतारेको छ; स्मरणीय रहोस्, मल्लले आफ्नो डेब्यु खेलको पहिलो बलमै विकेट लिएर कीर्तिमान बनाएका थिए।
नेपालको यो प्रतियोगितामा दोस्रो खेल हो। पहिलो खेलमा नेपाल इङ्ग्ल्यान्डसँग ४ रनले पराजित भएको थियो भने इटाली पहिलो खेलमा स्कटल्यान्डसँग ७३ रनले हार भोगेको थियो। समूह ‘सी’ मा नेपाल चौथो र इटाली पुछारमा रहेको छ।
यो खेल त्यही पिचमा भइरहेको छ जहाँ हिजो वेस्टइन्डिज र इंग्ल्याण्डबीचको खेलमा कुल १९ वटा छक्का प्रहार भएका थिए, जसले आज पनि ब्याट्सम्यानहरूलाई ठुला सट खेल्न मद्दत पुग्ने देखिएको छ।
नेपाली टोलीमा कप्तान रोहित पौडेलसहित कुशल भुर्तेल, आसिफ शेख, दीपेन्द्र सिंह ऐरी, आरिफ शेख, लोकेश बम, गुलशन झा, करण केसी, नन्दन यादव, सन्दीप लामिछाने र ललित राजवंशी रहेका छन्।
