मकवानपुर, भदौ २ । मकवानपुरको भीमफेदी गाउँपालिका-६ जुरीखेतमा भएको स्कोर्पियो दुर्घटनामा गम्भीर घाइते भएकी उच्च अदालतका रजिष्ट्रार तारादत्त बडुकी पत्नी ४९ वर्षीया लक्ष्मी बडुको उपचारका क्रममा काठमाडौंस्थित छाउनी अस्पतालमा निधन भएको छ।
Advertisement
काठमाडौंबाट वीरगञ्जतर्फ जाँदै गरेको बा ३-०१-००२ झ ५१८३ नम्बरको स्कोर्पियो आज बिहान करिब ७ बजे अनियन्त्रित भई सडकबाट ५०/६० मिटर तल खसेको थियो। दुर्घटनामा परि गम्भीर घाइते भएकी बडुलाई सेनाको हेलिकप्टरमार्फत छाउनी अस्पताल लगिएकोमा बिहान १०:२९ बजे उपचारका क्रममा उनको मृत्यु भएको हो।
दुर्घटनामा परेर घाइते भएका उच्च अदालतका मुख्य न्यायाधीश गोकर्ण डाँगीसहित अन्य ५ जनाको उपचार भइरहेको छ।
