काठमाडौँ २ फागुन 
यातायात मजदुर र व्यवसायीयले आन्दोलन स्थगित गर्ने भएका छन् । आज बिहान सिंहदरबारमा भएको सरकारसँगको वार्तामा मंगलबार उपत्यकामा गरिएको यातायात बन्द स्थगित गर्ने सहमति भएको हो ।

Advertisement

यद्यपि यातायात व्यवसायी तथा मजदुरहरूले शान्तिपूर्ण आन्दोलनका अन्य कार्यक्रम भने जारी नै राख्ने बताएका छन् । वार्तामा उपप्रधान एवं भौतिक पूर्वाधार तथा यातायात मन्त्री नारायणकाजी श्रेष्ठले यातायात क्षेत्रका समस्या कार्यदल बनाएर समाधान गरिने प्रतिबद्धता जनाएका थिए ।

फागुन १ गते बालाजु बसपार्कमा भएको झडपपछि नेपाल यातायात स्वतन्त्र मजदूर सङ्गठन, अखिल नेपाल यातायात मजदूर सङ्घ र नेपाल यातायात मजदूर सङ्घले यातायात बन्द गरेका थिए।
शान्तिपूर्ण प्रदर्शन गरिरहेका मजदूरमाथि आक्रमण भएको र प्रहरीले मजदूरलाई पक्राउ गरेको भन्दै उनीहरूले यातायात बन्द गरेका थिए।