काठमाडौं, जेठ १२ ।  नेपाली बजारमा आज (मंगलबार) सुन र चाँदी दुवैको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा एक हजार ३०० रुपैयाँले घटेको छ।

Advertisement

मूल्य कटौती भएसँगै आज बजारमा छापावाल सुन प्रतितोला २ लाख ९१ हजार ५०० रुपैयाँमा कारोबार भइरहेको छ। यसअघि सोमबार सुन प्रतितोला २ लाख ९२ हजार ८०० रुपैयाँमा कारोबार भएको थियो।

सुनसँगै आज चाँदीको मूल्यमा पनि गिरावट आएको छ। चाँदी तोलामा ९० रुपैयाँले घटेर प्रतितोला ५ हजार ६० रुपैयाँमा सीमित भएको छ। सोमबार चाँदी प्रतितोला ५ हजार १५० रुपैयाँमा खरिदबिक्री भएको महासंघले जनाएको छ।