Advertisement

काठमाडौँ, साउन २४ । नेपाली काँग्रेसका नेता बाबुराम आचार्यले सामाजिक सञ्जालमार्फत प्रधानमन्त्री बालेन्द्र (बालेन) शाहलाई एक्लै नहिँड्न र देश बनाउने मिसन-भिजन भएका साथीहरू साथमा लिएर अघि बढ्न सुझाव दिएका छन्। “तपाईं एक्लै हिँड्न खोज्नुहुन्छ अनि एक्लै भएँ भन्नुहुन्छ, एक्लै नहिँड्नुहोस्, डिप्रेसनमा जानुहोला,” आचार्यले लेखेका छन्।

काठमाडौँको मेयर हुँदा सुरु गरिएको बिजुली तथा इन्टरनेटका तार व्यवस्थापन गर्ने काम प्रधानमन्त्री बनेपछि रोकिएको हो भन्दै उनले प्रश्नसमेत गरेका छन्। ठूला गफभन्दा साना कामको नतिजा आवश्यक रहेको उल्लेख गर्दै नेता आचार्यले यसैगरी सरकार अघि बढे आगामी ७० वर्षसम्म पनि केही परिवर्तन नहुने दाबी गरे। जनतालाई हावादारी आश्वासन नभई खाना पकाउने ग्यास, तार व्यवस्थापन र आधारभूत आवश्यकताको परिपूर्तिजस्ता विषयमा नतिजा चाहिएको उनको भनाइ छ।