काठमाडौं । नेपाल प्रिमियर लिग (एनपीएल) मा जनकपुर बोल्ट्सले आफ्नो पहिलो जित निकालेको छ । मंगलबार भएको पहिलो खेलमा चितवन राइनोजलाई ६ विकेटले पराजित गर्दै जनकपुरले यस सिजनको पहिलो जित हासिल गरेको हो ।
Advertisement
त्यसअघि टस जितेर ब्याटिङ थालेको चितवनले २० ओभरमा ४ विकेटको क्षतिमा १७६ रन जोड्यो ।
जनकपुरले १७.३ ओभरमा चार विकेट गुमाएर १८० रन बनाएको छ, जसमा ओपनरहरू माज सदाकत र अनिल कुमार साहको अर्धशतक रहेको छ। सदाकतले ३० बलमा ६३ रन बनाए भने साहले ३६ बलमा ६१ रन बनाए।
यसअघि, चितवनले डेभिड मलानको कमान्डिङ ८० र अर्जुन साउदको ५२ रनको सहयोगमा चार विकेट गुमाएर १७६ रन बनाएको थियो।
बलिङतर्फ चितवनका शोहेल तनविर, अमर रौतेला र कमल ऐरीले एक–एक विकेट लिए ।
