काठमाडौं । नेपाल प्रिमियर लिग (एनपीएल)मा आज विराटनगर किंग्स र लुम्बिनी लायन्स भिड्दैछन् । खेल बुधबार दिउँसो ४ बजे त्रिवि क्रिकेट मैदान कीर्तिपुरमा सुरु हुनेछ। दुवै टोलीले आफ्नो छैटौं खेल खेल्दैछन्।

Advertisement

सन्दीप लामिछानेको नेतृत्वमा रहेको विराटनगर पाँच खेलबाट ८ अंक हासिल गर्दै अंक तालिकामा तेस्रो स्थानमा रहेको छ। विराटनगरले यसअघिका पाँच खेलमध्ये चार खेल जितेको छ भने एउटा मात्रै खेल हारेको छ।

रोहित कुमार पौडेलको कप्तानीमा रहेको लुम्बिनीले पाँच खेलबाट दुई खेलमा मात्र जित हासिल गरेको छ। प्लेअफको आशा जीवित राख्न लुम्बिनीले आजको खेलमा जित हासिल गर्नुपर्नेछ।