काठमाडौं, असोज २२ । नेकपा (एमाले) को सक्रिय राजनीतिमा पूर्वराष्ट्रपति विद्यादेवी भण्डारीले औपचारिक पुनरागमन गर्नुभएको छ। पार्टीको स्थायी कमिटी बैठकका अवसरमा आज अध्यक्ष केपी शर्मा ओलीले उहाँलाई पार्टीको ‘वरिष्ठ उपाध्यक्ष’ पदको शपथ ग्रहण गराउनुभएको हो।

Advertisement

राष्ट्रतर्फको उच्च संवैधानिक जिम्मेवारी सम्हालेर दलीय राजनीतिबाट पूर्ण रूपमा अलग रहनुभएकी भण्डारीको कार्यकाल समाप्त भएपछि उहाँको राजनीतिक भविष्यलाई चासोका साथ हेरिएको थियो। अन्ततः एमालेको उच्च नेतृत्वमा उहाँको पुनरागमन र वरिष्ठ उपाध्यक्षको जिम्मेवारी प्राप्तिले पार्टीभित्र नयाँ राजनीतिक तरङ्ग पैदा गरेको छ भने यसलाई शक्ति समीकरणको अर्थपूर्ण कदमका रूपमा लिइएको छ।